Tinan haat (4) liubá, ha'u-nia fuuk sei veteranu hela. Otas nurak no idade mós sei malandru hela. Kakutak bandidu maibé la mukit iha kuñesementu. Tempu ne'ebá, ha'u moris hanesan vagabundu ne'ebé la'o lemorai no helik hosi ema barak nia matan.
Ha'u-nia pragmátismu hanesan ai-bambu. Ha'u ema asertivu no la gosta sadere ba buat ne'ebé la los. Dala-barak ha'u hili dalan nonook hodi halo ponderasaun. Maibé, ha'u nia nonook ne'e iha liafuan rihun ida atu esplika.
Ha'u la gaba-an hanesan sapatu gaba nia sola. Maibé, ha'u sempre haraik-an ho simplisidade ne'ebé iha nia furak. Tempu ne'ebá, ha'u iha "SNOB" ida ne'ebé furak no saúdavel tebes.
Ha'u-nia dalan ba kontemplasaun iha "COSMOS" sei naruk no ha'u-nia kakutak nafatin hamlaha ba siensia. Ha'u sempre fiar iha Na'i Maromak no Universu kosmopolita katak ha'u-nia viajen intelektual sei la mukit maibé sei riku ho obra oi-oin.
Ho ha'u-nia sakrifisiu, determinasaun, korajen, dedikasaun no ho Na'i Maromak nia tulun, ha'u sei homan futuru ida ne'ebé nabilan liu hodi ku'u mehi furak sira hotu ne'ebé prevalese hela iha mundu kosmopolita.
Dili, 29 Outubru 2018
Amandio Lopes
Amandio Lopes
0 Comentários