LIVRU SIRA-NIA MUNDU

Livru sei fó ba ita liras matenek nian atu semo hale'u mundu

Livru sei fó ba ita rai matenek nian atu kuda sabedoria

Livru sei fó ba ita kbiit no beran atu la'o hale'u mundu

Livru sei fó ba ita murak-mean ne'ebé sei hakoi iha ita-nia intelektu

Livru ida-idak parese soin nia liras matenek rasik

Livru ida-idak parese soin nia rai matenek rasik
Livru ida-idak parese soin nia kbiit no beran rasik

Livru ida-idak parese soin nia murak-mean rasik

Lee ba! Basá lia maktaka mak sei loke liras matenek nian

Lee ba! Basá lia maktaka mak sei fó rai matenek nian 
Lee ba! Basá lia maktaka mak sei fó espasu kbiik no beran nian

Lee ba! Basá lia maktaka mak sei loke kaixa murak-mean nian

Livru sei lori ita hodi fila-fali ba mundu pasadu

Livru sei lori ita hodi luku klean liután iha mundu prezente
Livru sei lori ita hodi mehi mehi furak sira hotu iha mundu futuru

Livru sei lori ita hodi deskobre mistériu sira iha mundu mistériozu

Dili, 30 Agostu 2018

Amândio Lopes